Isinagawa noong Hunyo 25, 2026 sa Municipality of Pandan, Catanduanes ang Municipal Nutrition Council (MNC) and Municipal Nutrition Cluster Meeting, na dinaluhan ng mga miyembro ng Municipal Nutrition Council, Municipal Nutrition Cluster, mga partner agencies, health personnel, at iba pang stakeholders na katuwang sa pagpapatupad ng mga programang pangnutrisyon.

Naging pangunahing paksa ng pagpupulong ang pinal na paghahanda para sa pagdiriwang ng 2026 Nutrition Month at ang pagbuo ng 2027 Local Nutrition Action Plan (LNAP). Tinalakay at pinagtibay ng mga kalahok ang mga nakatakdang aktibidad, programa, at mga estratehiya upang matiyak ang maayos at matagumpay na pagdiriwang ng Nutrition Month sa munisipalidad.

Sa pamamagitan ng mga planning sessions, konsultasyon, at talakayan, tinukoy ng konseho ang mga prayoridad na isyu sa nutrisyon, nagtakda ng mga layunin at kaukulang estratehiya, at bumuo ng komprehensibong plano para sa susunod na taon. Ang pagpupulong ay nagpapakita ng patuloy na dedikasyon ng lokal na pamahalaan at ng mga katuwang nitong ahensya sa pagpapalakas ng mga programang pangnutrisyon at pagsusulong ng mas malusog na pamayanan sa Pandan.